Nú er nóg komið, einn titill eftir þ.e.a.s. deildarbikarinn og er ég ekki í nokkrum vafa um að við vinnum hann. Erum búnir að vera í 2.sæti í öllum mótum og eitt mót eftir. Þetta minnir á Fram tímabilið 97-98 þegar þeir töpuðu fyrir Val í íslands og bikarúrslitum og glötuðu svo deildartitlinum í síðustu umferð og KA unnu hann.

Er svona að hugsa mín mál þessa daganna hvort þetta verði mitt síðasta tímabil í boltanum. Er búin að vinna allt sem hægt er að vinna nema kannski þennan deildarbikar sem er í boði í fyrsta skipti í ár.
Mitt fyrsta tímabil var 96-97 átti þá einn leik. Valur lenti þá í 7.sæti og duttu út í 8 -liða úrslitum gegn Haukum.
Tímabilin með Val
97-98 varð ég Íslands og bikarmeistari með Val
98-99 9.sæti í deild, engin úrslitakeppni
99-00 9.sæti í deild , engin úrslitakeppni
00-01 7.sæti í deild, duttum út undanúrslitum gegn Haukum
01-02 2.sæti í deild, töpuðum fyrir Ka í úrslitum eftir að hafa leitt einvígið 2-0.
02-03 2.sæti í deild, töpuðum fyrir Umfa í undaúrslitum bikars, duttum út gegn ÍR í undanúrslitum.
03-04 2.sæti í deild, töpuðum gegn fram í undanúrslitum bikars og töpuðum 3-0 gegn Haukum um íslandsbikarinn.

Tímabilin með Haukum
04-05 1.sæti í deild, Íslandsmeistari á afmælisdaginn 5.maí  3-0 sigur gegn ÍBV
05-06 2.sæti í deild, 2.sæti í bikar,  deildarbikar???
Hefði átt að hætt í fyrra, byrja á titlum og enda á titlum!!
Kannski ég taki eitt tímabil í viðbótt og vinn allar þessar dollur í einum rikk!!

Ég og Brynjar Dagur 5.maí 2005 Íslandsmeistarar (good times)